Dimapur nung bike auyatsü merangdang injang kahloktsü

Dimapur, August 21 (TYO) : Deobarnep 9:30 ako meta District Hospital Dimapur (DHD) anasa mejangjatetba nisung kati nisung ka dak injang kahloktsü.
Iba lendong nung yirua alisangji Anjam Singh ta jangjaogo aser pa ya Dimapur Muncipal Council nung driver (attached) inyaker ta angazüker.
Osang ka ajanga ashiba agi, Anjam ji mozükidang par kinünger ka semdanger motorbike ka nung meyipa aodang mozü ki anasa mejangjatetba nisung kati pa anendaktsü aser motorbike rakzüka bener aotsü merang.
Tena atsütepba mapang mejangjatetba nisung jagi prangpong agiteter Anjam dak injang kahloktsü aser iba sülen pa auto rickshaw ka nung jena ao, ta osang ajangasa shisem.
Nisung kari Anjam DHD-i anir ao aser idakji doctor temi pa teka abelen nungi injang agiteta endoktsü.