Dimapur nung BLOs den senden amen

Dimapur, Rongchii/April 05 (TYO): April 5, 2019 nü Commissioner of Taxes, Dimapur conference hall nung 4 Ghaspani-l, 5 Ghaspani-II, 1 Dimapur-I, 2 Dimapur-II, 3-Dimapur-III A/Cs nung photo voters slip alemtsü atema Dimapur District nung BLOs ajak den senden ka menogo, ta tani ketdangsertem osang ka ajanga metetdaktsü.
Iba senden nung Dimapur DC, Kevekha Kevin Zehol-i BLOs ajak dang kanga nendaka inyaktsü metetdaktsüba den külemi BLOs dang meteümeshidak, tajemtsü tzü aser light ama AMF ali asü maliar reprangshitsü mepishishia metetdaktsü.
Kasa senden nung ADC Dimapur, Sharon Longchari-i, election inyakyim nung tongtibangtiba shilem agitsüpurji BLOs lir, ta shia parnok dang, nenoki Election Commission of India tenüng nung inyaktsü, anungji kanga nendaka inyakdaktsüner, ta metetdaktsü.
Photo voters slip ya Booth Level Officers-i peipei tesem nung April 6-7, 2019 anogotem nung alemtsü.