Dimapur nung BSL 2 lab yakta renemtsü

Dimapur, June 16 (TYO): Mongulbarnü Dimapur Deputy Commissioner, Anoop Kinchi IAS aser Commissioner Police Dimapur Rothihu Tetseo nati CISHR Dimapur nung BSL 2 lab yangluba semdangogo.
Iba mapang Managing Director CISHR, Dr. Sedevi-i ashiba agi, BSL 2 lab maparen 90% tashi temogo aser ICMR dang temelaba meshitsü atema mapa inyakdar.
Iba lab indang osang ajak ICMR dangi yoktsü aser parnok nungi temelaba anguba sülen lab lapoktsü, ta Dr.Sedevi-isa ashi.