Dimapur nung chiyongtsü yangluba sayu

Dimapur, June 01 (TYO): Putu Long Foundation kübok aliba SHG pur atema hopta ana chiyongtsü yanglubaren sayuba (Food Processing) training sentong ka May 28, 2016 anogo tashi agia tembangogo.
Iba sentong ya NSTEDB, Govt. of India  teyari agia INDIAN INSTITUTE OF ENTREPRENURSHIP (IIE) ajanga ayongzüka liasü. Iba sentong nung pickle aser cake yanglubaren aser chiyongtsü alepba (packaging) mapatem sayua liasü.
Iba sentong takok ngua katsüba atema Nagaland State coordinator IIE, Mr. Sani Pongen aser Y.K. Shohe, Nodal officer KVIC  nungertem dang PLF nung mendenbula Moala Longchari pelaba metetdaktsu.
Iba sentong nungsa Moala Longchar ajanga training nung adener SHG dang nükjidong makai loan agiba ajanga kibong aser lokti dangi lendong arur, saka asen mapa tajung takok ngua inyakba ajanga financial Institution temi menungnangi yaritsüsa aser SHG shiai inyaktetbaji  tayokdak bener oa yoktettsüsa inyaktsü ajungshia liasü. Iba sentong nung SHG nung lenirtem parnok nisung 25 arua aden.