Dimapur nung Cyber Security sentong ka agitsü

Dimapur, February 24 (TYO) : February 27, 2016 nü Society for Cyber Security-i Holy Cross School Auditorium, Dimapur nung “CYBER DEFENDER Dimapur 2016” ta ser sentong ka ayongzüker.
Iba Seminar cum workshop ya anepdang 10:00 ako nungi tenzüktsü aser shisalen sayurji Subimal Bhattacharjee asütsü. Pa ya New Delhi nungi defence & cyber security analyst mongin ka lir.
Tanü putu nung cyber crime kanga bulur aser iba yagi nisung taküm raksatsür, loktiliba asoshi tebilemtsü bener arutsür aser rongsenren nunga takoksa agütsür.
Cyber crime nung takoksa timba ajururtemji arishi küm 15-35 tsüngda alirtem lir aser iba jagi Dimapur nung seminar cum workshop ka alitsü sentong atong, ta Cyber Defender Co-ordinator, Zule Awomu-i sangdong ka nung metetdaktsü.
Iba sentong nung school aser college balala jaokogo aser ano parnok den telok balala nungi lennirtem den züngsemtem adentsü imlar, ta Zule Awomu-isa sangdong nung shia lir.
Iba sentong nung angati dang arua dendettsü aser tejangrartemi Miss. Zule den 9774069075 ajanga metepelatsü akok.