Dimapur nung DDLSA National Lok Adalat akatsü

Dimapur, Oct. 29 (TYO): National Legal Services Authority-i tuyuba ama District & Sessions Court tesem, Dimapur nung December 12, 2015 nü Dimapur District Legal Services Authority (DDLSA) National Lok Adalat akatsü.
Iba mapang ken o tulu (Non-Compoundable cases) dak alaka tanga ken o tila ajak benok jembitsü, ta Dimapur District Legal Services nung Mendenbuba aser Sessions Judge, Neiko Kanuo-i sangdong ka ajanga metetdaktsü.
Lok Adalat ajanga ken o mapang talang ka matsülangi mela mela bentetba nung yarir aser ibaji ajanga ken o benoker obendang angutsü asoshi mapang talanglang ataba tebilemtsü pungba kümdaktsür.
Lok Adalat ajanga senotsü-a aika melalui nüburtem nem tekaraba nung obendang agütsür aser ibaji ajanga tanga anendaka aliba ken o tem-a memunui benoka jembiteter.
Sangdong ajanga ashiba agi, nüburtem, banks, insurance company, municipal aser Public utility services tem ajaki iba maongka agia Lok Adalat nung obendang agitsü ajungshir.
Iba dak sentakba nung District Court, Dimapur nung aliba DDLSA Front Office ajanga osang tejangja angutsü.

You must be logged in to post a comment Login