Dimapur nung Dentist Training agi

Dimapur, July 02 (TYO): July 1-2, 2017 anogotem nung Hotel Lake Shilloi conference hall, Dimapur nung Nagaland nung tepu doctor tem atema DentXL – Practice management & soft skill training course agütsü.
DentXL ya special training module ka lir, aser iba ya India nung practice management tesayur, Dr. Sujit Pardeshi-i renemba lir.
Sujit ya kanga nüngtugu kaketzülur ka, dentist ka aser personality development-management trainer aser lokti nung tsüngrosonga jembir ka lir. Pa BDS atemba sülen pai human resource management nung Masters in Business Administration agia liasü.
Iba training course ajanga dentist tem parnok mapa tajungba arangshitsü atema ‘realistic soft skill methods’ nung rangloker tesayuba agütsür.
Soft skills nungji communication skills, leadership, team building, interpersonal skills, presentation skills aser management skills densema lir.
Nagaland nung iba training course ya DentXL den Dr Temjennungsang Longchari-i yaritepa ayongzükba liasü, aser iba ya ama training course ya Northeast region nungbo tang mezüng kaogo.