Dimapur nung Deobarnü dokan lapoktsü

Dimapur, Luchii (December) 10 (TYO): Dimapur Chamber of Commerce & Industry (DCCI)-i Dimapur nung shishilembar ajak dang Küm Tasen matong tashi Deobar anogotem dokan lapoktsü nenshia metetdaktsüogo.
Taoba mapang district administration den külemi sendaktepa alir ajaki telemtetba agiba nung ajemdaker metetdaktsür. Taoba mapang osang metetdaktsüogo saka dokan aika topur junga merenem lir, anungji maneni dokan aser shishilembadak ajak topur junga renemtsü nenshia metetdaktsür, ta DCCI-i ashi.
Organizations mesüra unions dang benjung mapang mokdangba sentong mayongzüktsü atema mepishir. Asenok ajaki Yimjung Chuba asoba benjung chichiba tangatetba nung benjungdi aser nisung shinga nem-a timtem magütsüli, ta DCCI-isa metetdaktsü.