Bodbarnü Kevijau colony, Dimapur nung ‘Vidhya Bharati (VB) Infants’ Digital Home’ lapoktsüba sülen Nagaland & Assam Angh, P B Acharya-i classroom sema aodang agiba noksa angur.
Dimapur, February 24 (TYO) : Bodbarnü Nagaland & Assam Angh, PB Acharya-i Kevijau colony, Dimapur nung Vidhya Bharati Infants’ Digital Home lapoktsü.
Iba sentong nung Chief minister TR Zeliang aser Advisor Urban Development S I Jamir na adentsüba liasü saka tena rongdak mapa kar nung mazüngi aliba ajanga medentet.
Northeast nung ali rongsen aika lir saka electricity peria mali, anungji nübortem tejakleni aotsüla aser ali rongsen ajanga terenlok mapatem inyaktsüla, ta Acharya-i tanü tongti tesemdanger o jembidang ashi.
Linük nung aser talisa Nagaland nung education system indang jembidang, kaketshirtem timbaka skill maliba ajanga mapa mangu lir. Iba ya ajanga parnok kibong aser loktiliba asoshi khuret bener arutsür, ta Angh-isa ashi.
Nagaland renlokdaktsünüra, electricity kanga tongtipang lir kechiyong ibaji ajanga industry tem atsür arutsü. Nübortemi vote atema dang masü saka terenlok atema yimsüsürtem shimtsüla, aser iba jagi temelenshi bener arutsü, ta Acharya-isa ayongzük.
Iba sentong nungsa Angh Acharya-i Janjati Shiksha Samiti annual souvenir sayatsü.
Sentong nung Labour & Employment, Skill Development & Border Affairs Parliamentary Secretary, Mmhonlumo Kikon-ia Janjati Shiksha Samiti nem tenüngsang agütsü.
VB Digital Home ya computer based children digital pre- school lir. Iba school nung school yangkhu aser kakettem medeni Kids-Cum-general laptop den smart class learning process ajanga tesayuba agütsür.
You must be logged in to post a comment Login