Dimapur nung District Youth Convention ayonga agiogo

Dimapur, August 31, 2017: Brihostibarnü Dimapur nung District Youth Convention nung EAC, Rongsenmenla-i jembiba noksa nung angur.

Dimapur, August 31 (TYO): Ministry of Youth Affairs & Sports GOI kübok Nehru Yuva Kendra (NYK)-i ayongzüka Youth Hostel, Dimapur nung Brihostibarnü District Youth Convention 2017-18 agiogo.
Iba sentong nung tongti tesemdanger o jembidang EAC, Rongsenmenla-i, linük ka yangertsü mesüra lokti ka aintsü atema lanurtemi kasa shilem agitsü nüngdak, ta ashi.
Laisa, “Tanü putu nung lanur kati lenla ajaklen metetjema alitsüla, ibaji ajanga maongka ngutettsü aser pei dak aliba tashi jangjatsü,” ta ashi.
Laisa lanurtem dang, joko mapa atema sorkar dak dang meimlatsüla saka sorkar nungi nija sector dangi meyiptsüla, iba den külemi pei sasa litettsü atema skills balala meteta alitsüla, ta ayongzük.
Iba sentong nung Meribeni Patton aser Young People fellowship-i ken ajanga shilem agi. Sentong nungsa State Director NYKs, Nagaland-i okila jembi aser Associate Pastor, LBCD, Thenjamo Tsanglao-ia tayongzükba o jembia liasü.