Dimapur nung driver tem training agi

Dimapur, Rongjui/September 19 (TYO): DC Dimapur kübok driver tem nem vehicle Protocol, Manners aser Maintenance dak sendakba nung September 18 nü DC conference hall nung training agütsüogo.
Sentong ya DC Dimapur, Kevekha Kevin Zehol-i iba training agiba sentong nükjidong metetdaktsür tenzüka liasü.
Deputy SP (Mechanical), Er. Thejaseno Zhasa, NPS-i Vehicle Maintenance, Manners aser Etiquette nung driver tem tinyaktsü indang onük nung ajemdaker jembiba mapang yimyayimpong shidak benshitsüba, tenüngdakba skill tem, gari anepa alua amshitsüba, tanga driver tem akhümtsübutsüba, gari aniba mapang mobile phone mamshitsüba aser traffic rules shidak benshitsü asoshi ajungshia liasü.
Kasa mapang nung SI, PTS, Rhinilo Rengma-i Traffic Laws & Rules onük nung ajemdaker jembi. Hd Driver, NAPT, Atsa Sangtam-ia VVIP duties nung senzüba tajangshiba lemsatep aser UDA, Establishment, Shiluinla-i Leave Rules metetdakja liasü, ta ketdangser sangdong ajanga metetdaktsü.