Dimapur nung gari lendong ka atalokdang nisung 2 asü

Dimapur, February 27 (TYO) : Honibar anüngdang 1:30 ako meta 3rd mile, Dimapur nung gari lendong ka atalokba nung nisung ana taküm sama.
Chekiye bazaar anasa autorickshaw kati lenmang nung senzür ka dak tsüker lenmang nung meküpoka lia tejaklen nungi Mahindra XUV gari kati arua autorickshaw dak atsük, ta Dimapur police-i sangdong ka nung metetdaktsü.
Iba mapang autorickshaw nung nisung pungu mena liasü aser parnok ajak yirur CIHSR (Referral Hospital) aser Zion Hospital-i anepalutsü atema anir ao. Ajisüaka, 4th mile, Dimapur nung alir Nouneu Metha aser Diphupar Village nung alir Epibeni Odyuo na taküm mekümzüktet.
Iba lendong nung yirua alirtemji Old Showba nungi Kiheto, Old Showba nungi S. Keni aser 4th mile, Dimapur nung alir Moarenla nungertem lir, ta Dimapur Police-isa metetdaktsü.
Autorickshaw anirji Purana bazar nung alir Pukhavi lir aser pa police-i puogo. Police-isa autorickshaw aser Mahindra XUV gari na pua lir.