Dimapur nung Gini & Jony Showroom lapokogo

Dimapur, Aenjeti/January 29 (TYO): Tajen Ao Road, Dimapur nung Zinyu Gas Agency indang opposite nung Gini & Jony Showroom tasen ka lapokogo. Iba showroom ya Operations Manager (East Zone) Binoy Das matsüngdang Rev. Dr. Wati Aier-i semzükja liasü.
Tang tashi nung EBO (Exclusive Brand Outlet) Stores tem rongnung tulutiba ya Mrs Mereninla-i achaayangdar. La ya Naga tsür rongnungi Entrepreneur ka lir aser “Juniors’ Hub” tenüng nung regirter süa liasü.
Shri Binoy Das-i ashiba agi, shishilembaba rongnung Dimapur nung Showroom ya tajungtiba ka lir aser iba showroom nung Ethnic aser Baby section temeja ka lir. Tanur sobusolemtsü dak sendakba nung Gini & Jony ya kanga nüngtugu kümogo kong kinü tanur nungi tenzüker arrshi küm 16 tashi semtettsüsa sobosolemtsütem angur. Küm 40 tashi shishilembaa aruba mapang iba brand yagi ajaki atutsüsa jenjang dalang agi oset tajung agütsüba atema kanga nüngtugu kümogo, ta Das-isa ashi.