Dimapur nung Hindi movie “TARGET” sayaogo

Hokolbar nikongdang Dimapur Deputy Commissioner, Kesonyu Yhome-i Hindi movie “TARGET” sayatsüdang tangokba noksa ka yangi angur. 

Dimapur, January 13 (TYO) : Saibaba Entertainment, Kolkata indang production, Hindi movie “TARGET” Hokolbarnü Hotel Saramati, Dimapur nung Dimapur Deputy Commissioner, Kesonyu Yhome-i sayatsüogo.
Iba film ya Subash Chatterjee-i direct asü aser Jayanta Sadhya-i produce asü.
Movie sayaba sentong nung jembiba mapang DC Kesonyu Yhome-i, asenoki alemli nungi asen shisatsü nung zünger sorkar mapa ang bushitsü ta bilema aliba melenshia asen shisatsü ulushitsü kanga nüngdaka kümogo, ta ashi.
Pai, asenok dak temetetba aser sempet tajung jenti keta lir anungji asenoki tesüiba mapang kodanga majemokdangba mapa nung ajemokdanga inyaktsüla, ta shisem.
Taruba küm 5-10 tashi nung Entertainment sector kanga kara renloka akümtsü aser asenoka iba industry nung shilem agitsü nüngdak. Asenok dak sempet tajung keta yur iba industry nung shilem magi odang makazütsüla. Lanurtemi entertainment sector nung shilem agia züngsem kaka akümtsüla, ta pai ajungshi.
Iba sentong nung film nung shilem agirtem, sapurtem aser kinungertem dena liasü.