Dimapur nung ILP counter ajak shibanger

Dimapur, March 16 (TYO): Nagaland sorkar nung Home Department: Political Branch-i osang sangoktsüba sülen anidaka Dimapur district nung ILP counters ajak shibanga atar, ta Dimapur Deputy Commissioner Anoop Kinchi IAS-i tanü metetdaktsü.
Tanü nungi Tourists ( Domestic/ Foreigners) aser tanga telemsa kübok new/fresh Inner Line Permits agütsüba maparen anener, ta paisa ashi.
DC office, Dimapur nung ILP renewal maparen dang inyaktsü aser March 18, 2020 nungi state telungi Foreign mesüra Domestic tourist shinga marudaktsütsü, ta Dimapur DC-isa Home Department-i tetuyuba nenshia metetdaktsü.