Dimapur nung India-Japan Workshop alitsü

Dimapur, January 16 (TYO) : January 19-20, 2016 anogotem Hotel Acacia, Dimapur nung “India-Japan partnership towards meeting the Challenge of Infrastructure Development in India’s Northeast” alitsü.
Mezüngbo iba sentong ya Kohima nung agitsü metetdakja liasü saka Dimapur nung belena agitsü.
Iba workshop ya Government of Nagaland-i Indian Council for Research on International Economic Relations (ICRIER) den yaritepa ayongzüker aser January 19, 2016 nikongtsütsü 5:30 ako nung iba sentong lapoktsü.
September 1, 2014 nü Tokyo nung Prime Minister Shinzo Abe aser Prime Minister Narendra Modi na tsüngda Japan-India Special Strategic and Global Partnership, Tokyo Declaration atema iba workshop ya ayongzüka agitsü.