Dimapur nung Insem-Genius Masters lapokogo

Dimapur, July 13 (TYO) : Hombarnü Dimapur nung Brain Masters, Malaysia kübok shilem ka Insem-Genius Masters lapokogo.

Iba sentong nung tongti tesemdangerji Mid Brain, Kuala Lumpur, Malaysia, Director, Y M Wong liasü.

Mid Brain Masters Malaysia ya alima nung Mid Brain activation programme sayur tongtipang rongnung ka lir.

Mid Brain Masters ajanga arishi küm 7 nungi 15 tsüngda tanurtem nem tekolok renloktsü atema tesayuba agütsür. Iba training ajanga tanurtemi parnok indang mid brain amshitsü akoker, ta Wong-i tanü ashi.

Tanü agiba sentong nung Indian Business Associates, Indian International Master Trainer, International Master Trainer of mid brain masters aser school balala nungi teshimtet nübotem den tsüraburtem aden.

Dimapur branch office ji 1st floor, House No. 131 (Annex), Duncan bosti, Dimapur nung lapoka lir aser tang tanur telok ana lemsar training agidar.

Iba dak sendakba asoshi metetpelanürtemi – Imlingangtet Ozukum aser Achila Ozukum (9774020476, 8794950551) na den jembitsü akok.