Dimapur nung Inter-State T20 trophy asayar

Dimapur, January 06 (TYO): Nagaland Cricket Association (NCA)-i Dimapur kübok NCA Stadium nung ayongba Inter-State T20 cricket asayamong mezüngbuba anogo nung Mizoram aser Nagaland nati pei asaya koka shilem agiogo.
Iba asayamong ya Almighty Enterprises, New Delhi-i senotsü teyari agüja ayonga lir.
Yaküm December 30 nü asüsang, Joint Secretary, NCA & DDCA nung Tir, asür I.Pihoto Awomi nem akhüm agüja Nagaland asayartemi pei teka nung sü tanak alenoker shilem agia liasü.
Tanü mezüngbuba asaya nung Mizoram teloki runs 60 agi Arunachal telok madak takok angu.
Brijesh Patel, Jajo aser Mawia nungeri runs 57, 20 aser 35 yangluba densema, par teloki overs 20 nung runs 153 tashi yanglu saka Richa, Kago aser Chandan nungeri runs 29, 17 aser 10 yangluba densema par Arunachal teloki overs 20 nung runs 93 dang yangluba yong Mizoram teloki mezüngbuba asayaji akok.
Nagaland telokia runs 27 agi Mizoram telok madak tanabuba asaya nung takok ngua liasü.
Sedezalie, Puchu, Vishal aser Imomenba nungeri runs 21, 12, 34 aser 13 yangluba densema par teloki overs 20 nung ajak agi runs 127 yanglu.
Renbeni, Haruaimawia aser Brigesh nungeri runs 12, 18 aser 33 yangluba densema par teloki over 20 nung runs 100 dang yangluba yong par teloki tamakok ajurutsüsa aküm.
Asüng, Brehostibar anepdang 9:00 ako nungi tenzüka Nagaland o Arunachal na tsüngda mezüngbuba asaya asayatsü aser nikongdang 1:00 ako nungi tenzüka Mizoram aser Nagaland na tanabuba asaya nung ajuruteptsü.