Dimapur nung International Mother Tongue Day amung

Dimapur, February 21 (TYO) : Nagaland Bhojpuri Samaj, Dimapur-i Deobarnü International Mother Tongue Day amung.
Iba sentong ya Nagaland Bhojpuri Samaj, Dimapur office nung ayongzüka agi aser Prof. K P Avikasit-i Bhojpuri, Maithili o Angika oshitem indang sobaliba otsü metetdaktsü.
Sentong nung Vijay Thakur-ia o jembi aser pai ashiba agi, Maithili aser Bhojpuri oshitemji India nungdang masü saka tanga linüktem nunga jembir.
Sentong nung NBS Secretary, Pramod Singh-ia o tatsüka jembi aser tatem nung NBS senyur, Dr. Sant K. Gupta-i anküp tepela o jembi.
NBS-i India sorkar dang Bhojpuri aser Maithili oshitem Linük Temzüng nung 8th Schedule nung enoksemtsü atema asüngdangtsü bangzünga renem.