Dimapur nung Job Fair ayonger

Dimapur, Chiteni/July 6 (TYO): Dimapur nung July 25 nü job fair tulu ka agitsü. Iba fair ya Dimapur hospital, Purana Bazzar anasa Eagle Crest Institute, East Dimapur Campus nung agitsü.

Iba fair ya lanurtem nem parnok career asoshi lenmang balala bushitsü aser employer den sendakteptsü atema maongka agütsütsü asoshi Eagle Crest Institute-i ayongzükba lir. Educated aser

Lanur tejangrartem ajak iba sentong nung dena maongkatem agitsü ayongzükogo. Osang tejangjaba agitsü aser züngoksemtsü atema www.ectaac.com semdangtsü mepeshia metetdaktsüogo.