Dimapur nung ketdangsertemi hotels mita ao

Dimapur, November 29 (TYO): Hornbill festival den benjung mongpu atongba nung ajemdaker temaba ketdangsertemi tuyuba ama Chief Medical Officer, Dimapur kübok Food Safety ketdangsertemi Dimapur nung Hotels aser Restaurants mita reprangogo, ta Designated Officer (Food Safety), Samuel Zehol-i sangdong ka nung metetdaktsü.
Mita aoba mapang nung Hotels aser restaurants kar nungbo Food Safety Licence/Registration maliasü; hotels aser mapa inyakertem merükmejua alitsü atema tuyu.
Food Safety & Standards Act, 2006 kübok Arrla 30 (2) nung ajemdaker Food Safety norms atema Food Business Operators nem Improvement Notice agütsütsü, ta kasa osang nung shia lir.