Dimapur nung ki 17 rongdok

Dimapur, September 23 (TYO): September 23, 2015 anepdang 10:30 ako meta Golaghat road, Dimapur anasa kitsük kirong lendong tulu ka atalok.
Iba lendong nung ki 17 den steel furniture manufacturing unit ka densema rongdok, ta Dimapur Police sangdong ka nung metetdaktsü.
Manipur nunger Bhojen Singh ta ser nisung ka yiruba dak alaka tanü kirong lendong nung nisung asüba osangbo mali. Iba lendong nung sen lakh aika jenjang osettsüset rongdokogo aser lendong atalokba kuli metettsü atema bushisüngdang tenzükogo, ta Dimapur Police-isa metetdaktsü.