Dimapur nung ki 200 shi mitsü küma rongdok

Dimapur, October 25 (TYO): Deobar nikongtsütsü 5:00 ako meta K Kire colony, Kuda Village Dimapur nung kitsük kirong lendong tulu ka nung ki 200 shi mitsü küma rongdokogo.
Iba osang zülu tashi nung police-i mi adokba kuli mesüra rongsen samaba osang ano mebushitet lir ta shiogo.
Iba tatalokba ajanga kibong 300 shi talidak maka kümogo.
Mi kanga tulu asübayong Nagaland police, Assam Rifles, BSF, Airport Authority aser Chumukedima nungi mi ensepertemtemi senteper ang mi azüoktet.
Taonung kirong lendong nung domestic gas cylinders aika apokba ajanga mi enseptsü merangba mapa nung timtem tulu ajuru aser iba temeket nung alirtemia mi ensepertem den yaritepa ghonda ana ser tema nungang mi enseptet.