Dimapur nung kinungboi kinungtsü lepset

Dimapur, May 21 (TYO): Honibar aonung Dimapur kübok New Chumukedima nung kanga dang taoksatsü aketba lendong ka atalok aser ibaji kinungbo kati kinungtsü lepsetba lir.
Tetsürla yiruba sülen Chumukedima nung aliba mozüki kati anir oa saka la idakji mekümzükteti asü, ta police-i ashi.
Zübo tereprangtsü nung tetsürla dak nok agi alepba ama ajiteter aser iba tatalokba sülen, la kinungbo jenogo. Paji Longsa Chetri ta jangjaogo saka pa kong lir mangur.
Tetsürlaji kechi atema tepsetar kuli kecha mongutet lir aser iba dak sendakba nung ken o benoker bushisüngdang ka tenzükogo, ta police-i metetdaktsü.