Dimapur nung lajartem asayamong among

Dimapur, April 23 (TYO) : DDSC stadium nung “Because We Care” omen nung ajemdaker 2buba lajartem asayamong takok ngua mongogo aser 6th Sector, Assam Rifles Brigader, Brijesh Dhimman-i iba sentong lapoktsüdang asayamong milen-a tsükloktsü, ta sangdong ka ajanga metetdaktsü.
Iba khenü amongba asayamong Dimapur district administration aser Act of Kindness telok na lokteper ayongba sentong nung lajar tanurtem parnok 500 dak temai shilem agi.
Iba sentong nung asaya aser tetoktepba tapu asem lemsar agi (bosta nung tetsüng seper asemtepba, asemtepba aser noksa yanglutepba).
Northeast India Academy of Performing Arts (NIAPA) Dimapur ajanga tanurtemi kanga sapuba ‘kung fu Panda’ aser ‘Spiderman’ nunger mesükba sobur arua sayuba ajanga parnok kanga pelatepa liasü. Iba den külemi Bethesda Ministry nungia yimjung temaitsü sentsü aika aketba sobutsü sobur tsüngsang ka ajanga shilem agi.
Assam Rifles temi iba sentong nung shilem agirtem ajak nem anepdang aser anüngdang chiyungtsü peria agütsü aser Dimapur District Referee Association, G-Sports Store, Chumukedima aser temulungertemi sentong takok angutsü asoshi yaritep, ta sangdong ajangasa ashi.