Dimapur nung Local Food Show sentong agi

Dimapur, Rongjui/September 25 (TYO): National Nutrition Month nüngtem nung Dimapur district Social Welfare department-i RD-NSRLM den longjemer Supermarket, Dimapur nung September 25 nü Local Food Show ka ayongzüka agiogo. Iba sentong nung DC Dimapur, Kevekha Kevin Zehol alakteta jaoker liasü aser pai stall tem lapoktsü.
Food Show lapokba sentong nung District Coordinator, Limasenla Walling-i Poshan Abhiyan indang metetedaktsü. Iba sentong ya CDPO (Urban), Robert Odyuo lenisüba kübok agi aser ADPM, NSRLM, M. Yimok Phom-i tepela o jembi. Food Show nung SHG balalai organic food stalls 11 lapoka liasü.