Dimapur nung Mahaveer Jayanti mamong

Dimapur, April 14 (TYO): Dimapur nung Jain nungertemi April 6, 2020 nü Mahaveer Jayanti among ta olulu ka social media nung prokshir, ta Mongulbarnü Digamber Jain Samaj, Dimapur-i metetdaktsüogo.
Jain nungertemi March 24, 2020 anogo nungu Jain temple shibang aser iba anogo nungi tenzüker lokti mesüra tamangba yimsü dak sendakba sentong kecha magitsü tenokdangba agütsü, ta Tir Omprakash Sethi-i ashi.
Iba nungji ajemdaker taküm Dimapur nung Mahaveer Jayanti ayonga mamong saka social media nung iba benjung mongogo ta taila osang ka prokshir, ta paisa shisem.