Dimapur nung Mega legal services camp ayonga agiogo

Dimapur, Luchii/December 15 (TYO): Nagaland State Legal Services Authority aser Dimapur district Legal Services Authority nati sorkar departments, Stakeholders aser NGOs den senteper Luchii/December 15, 2018 nü DDSC stadium Dimapur nung Mega Legal Services camp ka ayongzüka kaogo, ta ketdangsertem osang ka ajanga metetdaktsü.
Iba sentong nung tetushi tejaoker o jembidang Secretary, Department of Justice & Law, Khanrinla T.Koza-i sensotem dang pei temeden balala metettsü aser sorkari agutsüba service balala agitsü ayongzük.
Laisa, linük temzüng ajanga nisung ajaki pei temeden atema raratsü/nokdaktsü asoshi nisung ajak nem temeden aguja lir, ta metetdaktsü.
Laisa, sensotem nem pei temeden metetdaktsütsü aser ochi obendang angutsü atema service balala metetdaktsütsü asoshi sorkari departments balala densemdakja Mega Legal Services agitsü asoshi mapatong ka renema lir, ta metetdaktsü.
Iba anogomong sentong nung Dimapur Deputy Commissioner, Sushil Kumar Patel (IAS)-i sentong ayongzükertem nem tenüngsang agutsü aser nüburtem dang tang tagidak camp nungi akokba tashi teyari tulu agitsü ajungshi. Paisa, sorkar scheme balala dak sendakba terataba kar danga lira ibaji jangjatsü ajungshi.
Sentong nung Chief Medical officer Dimapur, Vikato Kinimi-i Medical department-i agutsüba health care schemes balala metetdakja item service agitsü ayongzük.
Principal District & Sessions Judge aser Chairperson Dimapur District Legal Services Authority-i okila jembi aser Chief Judicial Magistrate & Secretary DDLSA-i lokti pelaa agizükba o jembia liasü.
Kasa sentong nung Hill Theatre-i Legal awareness indang jilushi tatsüka saya aser Living Bread teloki ken ka aten.
Assistant Public Prosecutor, Dimapur, Sashi Kichu leniba nung iba sentong agi aser Project Coordinator, Nagaland State Legal Services Authority, Limasenla Longkumer-i tepela anküp o jembia liasü.
Iba camp nung banks aser service providers densema department 40 dak temai stall lapoka service balala agüja sensotem yariogo.