Dimapur, September 30 (TYO) : National Legal Services Authority-i tuyuba nung ajemdaker Dimapur District Legal Services Authority (DDLSA)-i Dimapur Police den yaritepa October 10, 2015 nü Mobile Lok Adalat agitsü.
Iba anogo nung gari kibur ajaki nüngdakba kulikakettem bener senzütsü metetdaktsür, ta Neiko Kanuo, Chairman, Dimapur District Legal Services Authority, District & Sessions Judge, Dimapur-i sangdong ka nung metetdaktsü.
DDLSA-i kasa anogo nung tilateri ken o, Motor Accident Claim aser Municipal onüktem ateam Lok Adalat ka ayongzüka agitsü. Iba sentong ya District & Sessions Court nung agitsü anungji public-i maongka agia Lok Adalat nung ken o tem angatetteptsü asoshi benoktsü ayongzüker, ta Neiko Kanuo-isa sangdong nung shia lir.
Iba dak sendakba osang tejangja nung metettsü atema Front Office, DDLSA, District & Sessions Court, Dimapur nung arua mepetpelatsü akok, ta paisa shisem.
Dimapur nung Mobile Lok Adalat alitsü added by asungba on
View all posts by asungba →
You must be logged in to post a comment Login