Dimapur nung Naga Bowl Express restaurant semzükogo

Dimapur, Luchii/December 22 (TYO): Tang Dimapur nung tasentiba chiyungtsü angudak ‘Naga Bowl Express’ semzükogo, aser yangji Naga nunger sobaliba chiyungtsü den dhaba-style service angutsü, ta osang ka ajanga metetdaktsü.
Iba restaurant ya December 20, 2018 nü Dimapur Ao Baptist Arogo nungi Rev. Lima Jamir-i meshiteta moaja liasü.
Iba restaurant nung Naga nunger aouso nung Naga nunger chiyungtsü balala angutsü; vegetarian aser non vegetarian chiyungtsü naprong angutsü.
Naga Bowl Express-isa tejangrar lisopur cooks aser chiyungtsü jangrartem ajungkettsütsü atema social entrepreneurship pusemtsü, iba denji külemi Naga nunger chiyungtsü ajungkettsütsü.
Ita shia khen Naga Bowl Express-i parnok sorochokba tesemji incubation Centre ama lapoktsü aser chiyungtsü jangrartemi peisasa chiyungtsü anepalur customers nem agutsütsü.
Iba restaurant-i mapang shia Hornbill mapang Naga Chef Competition nung shilem agir nüngtugu nisungtemi chiyungtsü renemja customer nem agutsütsü.
Iba restaurant kibur ya Alemjungla Jamir lir; la ya show-chair aser Naga chef nung tetendanger ka liasü.
The Naga Bowl Express ya Hombar nungi Honibar tashi anepdang 9:00 ako nungi aonung 7:00 ako tashi lapoker. Iba restaurant ya Super market, Dimapur nung Indian Post office/Saramati Hotel tiplen lir.