Dimapur nung NCC Camp tenzüktsüogo

Dimapur, Chiteni/July 05, 2019 (TYO): Livingstone Foundation HSS, Dimapur nung NCC Group HQ, Kohima kübok Nagaland Girls Battalion NCC-i anogo 10 Combined Annual Training Camp (CATC-36) sentong tenzükja liasü.
CATC-36 sentong ya July 03, 2019 nü tenzüka liasü aser July 12, 2019 nü tashi agitsü, ta Col C Konwer ajanga metetdaktsü.
Nagaland district ajak nungi NCC tetsür 405 aser Boy Cadets 31 den külemi Associated NCC Officers 8 agi iba camp nung shilem agidar.
NCC Group HQ Kohima, Group Commander Brig SS Dhankhar-i July 05, 2019 Hokolbarnü iba training camp semdang aser iba mapang pai Cadets den jembia liasü. Tanurtem iba camp nung shilem agitsü maongka tajung agütsüba atema pai tsüraburtem dang pelaba metetdaktsü.
Brig SS Dhankhar-i, CO 1 Nagaland Girls Bn NCC kübok training team mongin ajanga Cadets tem nem training agütsütsü aser tanüngba anogotem nung maparen tasak ajangshitsü ta metetdakja, paisa pei jakla aser yimyatem yanglushitsüla, koba ajanga lenla ajunga nung takoker ka ka asütsü asoshi pei dak aketba sempet tajungtiba agi iba training agitsü asoshi Cadets dang tetuyuba agütsü.
Cadets temi drill, firing saisapong balala nung tejangraba tulu sayua shilem agiba asoshi pai pelba metetdaktsü aser Central Uniformed Forces aser State nung süshia item wadang ya career ka ama agitsü asoshi ajungshi, koba NCC Cadet ka ama lenmang balala nungi teyari angutsü, ta metetdakja liasü.
Iba camp mapang pei temang anepalutsü asoshi tekümdangtsü agütsü aser kasa mapang Cadets tem anepalutsü asoshi Camp Comdt & Staff dang tetuyuba agüja liasü. Livingstone Foundation HSS nung iba camp agitettsüsa tesem aser kisü-jensü tesadem aliba ngua pa (Brig SS Dhankhar) kanga pela.
Maneni, Camp Commandent, Col Avinash Pitre-i ashiba agi, Cadets tem lenla ajunga nung rajema tangazükba tajung agütsütsü, jakla yanglushitsü, lennir sempet, ajemalu aser saisapong nung sempet tajung amshir asayar ka ka kümdaktsütsü asoshi team ketdangser aser staff temi meranga sayutsü.