Dimapur nung NERPAP special camp tatembangba agiogo

Special Observer Kewekha Mero den officiating DC Dimapur Elizabeth Ngully nati anir ketdangsertemi Dimapur kübok polling station ka nung BLO den sensaksemba angur.

Dimapur, July 18 (TYO) : July 18, 2015 nü Dimapur district atema National Electoral Roll Purification and Authentication Programme (NERPAP) tatembangba camp agiogo.
Iba mapa ya Dimapur kübok polling station ajak nung inyak aser ADC Dimapur Elizabeth Ngully aser Election Commission ajanga Dimapur o Peren atema Special Observer shimba Additional Secretary Art & Culture, Kewekha Mero na den Assistant Election officer, Toshi nungertemi polling station tem semdanga senzü.
Ketdangsertemi Booth Level Officers den ajurutepa sensaksem aser iba mapang parnoki NERPAP camp nung inyakba osangtem metetpela.
Special observer aser officiating DC Dimapur, Elizabeth Ngully-i ashiba agi BLO temi kilen ajak sema data bendentsüla aser kulikakettem jangjatsüla.
Ibaji asüdang nung NERPAP mapa takok ngua inyaktettsü aser E-Roll merüktetba ajanga election tiptema agitettsü, ta laisa shisem.