Dimapur nung NEZCC Spring Festival 2016 tenzükogo

 Hokolbar nikongtsütsü yimya balaka nung sempet aliba tanurtemi Spring Festival 2016 nung shilem agidang tangokba noksa angur.

Dimapur, March 18 (TYO) : Hokolbar nungi North East Zone Cultural Centre (NEZCC) aser Ministry of Culture, Government of India nati ayongzükba Spring Festival 2016 tenzükogo.

Iba benjung ya NEZCC complex, Dimapur nung ayongzüka agir aser NEZCC Deputy Director D. Vashum-i benjung dak sendakba osang metetdaktsüdang, sobalibaji yartsüngsang aser ken indang dang masü ta ashi,

Kaketshirtemji tarutsü lennirtem lir aser iba jagi NEZCC-i lanuputu dak rangloker tetoktepba aser sentong tapu balala ayonger, ta Vashum-i metetdaktsü.

Iba benjung nung extempore tetoktepba nung school 9 nungi kaketshir 18-i shilem agia liasü. Ano telok 9-i choir competition nung aser kaketshir 27-i painting tetoktepba nung shilem agi.

Tetoktepba balala nung shilem agiba school tem- Rincho Academy; Vision Home HSS, Unity CHSS, Brothers & Sisters School- Chumukedima, Great Commission HSS, Christina Memorial HSS, Highland Hall School- Naga United, Nagaland Police Centre School-Chumukedima, Livingstone Foundation HSS aser Kendriya Vidyalaya.

March 20 nü benjung tembangba anogo nung tetoktepba balala nung takok angur nem sempet agütsütsü.

March 19 nü school balala tsüngda traditional sports & games asayatsü. Kaketshirtem  nem sobaliba aser yimtsüya sayutsü nükjidong nung traditional sports & games asayatsü.

Asüng nikongtsütsü Cosmopolitan Night ta ser sentong ka agitsü aser iba nung Bengali community, Marwari community, Gorkha community, South Indian community, MalabikaKachari aser Sahil Shaikh nungertemi shilem agitsü. Iba sülen nüngtugu wawa menüdaktsür Purneken aser Chujang nati shilem agitsü

North East tesem nung sobaliba aika temeyoktep aliba sayutsü nükjidong nung Spring Festival 2016 ayongzüka amunger aser North East state o tanga state tem nungi nisung 400 shi kati sentong balala nung shilem agitsü.