Dimapur nung NFSA tenzüker

Dimapur, July 10 (TYO) :  Tan July ita nungi Dimapur nung National Food Security Act 2013 mapa küma tenzüktsü ta Food & Civil Supply department ajanga metetdaktsüogo.
Anungji, iba ozüng nung aliba ama jenjang dalang agi jangotsü angutsü purtem ajak yimtak yimtsüng nung putu menden ajanga aser town-tem nung Fair Price Shop nungi angutsü ta kasa sangdong ajanga metetdaktsüogo.
Iba dak sendakba maparen nung Dimapur district kübok alir putu menden nungi Incharge aser Fair Price Shop kiburtem ajak July 11 nungi pei noksa passport size anana den seal bener aruagi F&CS Superintendent ket nungi license agizükang ta metetdaktsüogo.