Dimapur nung Night Bazaar alitsü

Dimapur, November 16 (TYO) : GLW society, East Dimapur Sumi Students’ Union aser Act of Kindness movement nungeri Night Bazaar ayongzüka agitsü.
Iba sentong ya Naga shopping arcade (Supermarket) Dimapur nung November 28 nungi December 3, 2016 tashi nikongtsütsü 4:00 ako nungi 9:00 ako tashi alitsü.
Night Bazaar nung stall tapu balala 300 shi lapoktsü aser item den külemi tsüngsangba aser ken toktepba, Cosplay aser Acoustic sayaba, Hindi ken atenba aser DJ night tem alitsü, ta tayongertemi sangdong ka nung metetdaktsü.
Stall nung Chiyungtsü aser Cosplay sobu tajungtiba nem sempet agütsütsü. Tsüngsang tetoktepba nung takok angür asoshi sempet- 1st- Rs. 10,000, 2nd- Rs. 6,000, 3rd- Rs. 4,000.
Stall registration aser Dance competition atema 9862675997 den tongteprateptsü akok mesüra ‘The Garden’ Super market Dimapur nung osang tejangja angutsü.
Iba mapang ya tesemdangertem asoshi aser talisa asen nisung shishilembartem asoshi pei inyaktetba mapatem sayaba mapang tajung ka asütsü. Anungji, azünga alir ajaki iba sentong nung arua shilem agitsü asoshi pelashishia jaoker, ta tayongertemisa metetdaktsü.