Dimapur nung Nikon Experience Zone lapokogo

Dimapur, July 5 (TYO) : Mongulbarnü Dimapur nung Nikon India ajanga ‘Nikon Experience Zone’ lapokogo. Tanü Managing Director, Nikon India, Kazuo Ninomiya aser Vice President – Sales & Marketing, Jitender Chugh nati iba zone  lapoktsü.
‘Nikon Experience Zone’ ya Redefine, Chishi marketing complex, 1st Floor, Circular road Dimapur nung lir.
Iba dokan lapokba ajanga Dimapur nung photography jangrartemi maongka aika angutsü aser Nikon COOLPIX range, Nikon 1 series, NIKKOR lenses, Nikon accessories aser Nikon Sport Optics range den Nikon D-SLR cameras angutsü.
“Nikon-i customer nem service tajungba agütsütsü atema teti bilema inyaker aser linük kübok tesem ajak nung photography sobaliba ajungkettsü meranger. Tanü onoki Nagaland nung mezüngbuba Nikon indang Experience Zone lapokba atema kanga pelar. North East nung photography jangrartem asoshi inyakba mapa nung Dimapur nung lapokba Experience Zone ajanga teyari tulu agütsütsü” ta Kazuo Ninomiya-i tanü ashi.
India kübok Eastern region nung onok indang maparen kanga junga aoer aser iba tesem nung Nikon Experience Zone 29 lir, ta paisa shisem.
Nikon India-i tang tashi nung India kübok tesem balala nung Experience Zone 120 tema lapokogo.