Dimapur nung nisung ka tsükset

Dimapur, August 03 (TYO): Hombar anüngdang 12:30 ako meta Dimapur kübok Burma camp anasa gari mashii aniba ajanga nisung ka tsüksetogo.
Iba nisungji arishi küm 27 tain Abdul Kabir liasü ta jangjaogo, ta Dimapur police PRO-i metetdaktsü.
Bus gari (NL 01 B 0217) jagi Steel Fabrication unit ka nung oa tsüokdang dokan kishi sükzüka aludaktsü aser idangji lenmang nung süisübonger ka kishi jagi akoset, ta Dimapur police-isa ashi.
Iba bus ji Dimapur nungi Ghowoto-i aodang lendong atalok aser police-i bus driver Kazir Hussian puogo.