Dimapur nung nisung ka tsükset

Dimapur, July 7 (TYO): Hokobarnep 8:40 ako meta Dimapur nung Nagaland State Cooperative Bank, Khermahal anasa gari lendong ka nung nisung ka tsükset aser ka yiru.
Tasüsangji arishi küm 20 tain Chingkai Konyak liasü ta jangjaogo aser pa Duncan bosti nung telidak liasü. Iba lendong nung yirua alisangji arishi küm 22 tain Holum lir.
Tenaji motorbike ka nung mener mashilen nungi truck gari ka ajanga süitsü merangdang, truck gari tesüleni tena amenba motorcycle tsükdok, ta traffic police-i metetdaktsü.
Chingkai ji motorbike tesülen mena liasü aser idakjisa atanga asü aser motorbike anisangji District Hospital Dimapur nung anepaludar.
Truck anir Jamaluddin ji police ket nung alir aser iba dak sendakba nung ken o ka benokogo, ta traffic ketdangser kati ashi.