Dimapur nung NPF Minority Wing senden amen

Dimapur, May 23 (TYO) : May 22, 2016 nü Dimapur NPF Party Office nung NPF Minority Wing pur Quarterly General meeting menogo.
Iba senden nung Minority Incharge Mr Lepshi Ao, VP Central den Blaise Iheilung I/C Dimapur District aser General Secretary Central na aden, ta Press Secretary, NPF Minority Wing, Central-i sangdong ka nung metetdaktsü.
Senden nung President Minority wing Central, Bishnu Bhattacharjee-i Central aser division ajak nung ketdangpurtem dang party tangatetba aser telatetbatem sülen anidaktsü ayongzük aser külemi longjemer Naga Peoples Front akangshitsü atema mepishi, ta sangdong nungsa shia lir.
Senden nung mendenji, Sanjay Dey, VP Minority Wing Dimapur Divn liasü aser Mahendra Thousen, working president Minority Wing Central aser Suresh Paira President MW Dimapur Division natia o jembi.

You must be logged in to post a comment Login