Dimapur nung NSCN (R) züngsem 2 apu

Dimapur, January 22 (TYO) : January 18, 2016 nü Dimapur kübok New Market nung 32 Assam Rifles sepaitemi NSCN (R) züngsem ana apu.
Osang tejangj kar angazükba sülen sepaitemi NSCN(R) züngsem anaji apu aser tena ket nungi tashiyim agi sen meshiba shiditem aser prangpong-injangtem angu, ta Assam Rifles sangdong ka nung metetdaktsü.
Tenaji Capt Mughaito Chopi aser Capt Kimiyeto Sumi na jangjaogo aser tena ya December 29, 2015 nü NSCN (K) nungi NSCN (R) nung adenba liasü, ta AR sangdong nungsa shia lir.
Tenaprongla Zunheboto district kübok Satakha yimer lir aser tena ket nungi 9 mm Pistol ka aser pt 32 country made Pistol ka den 9 mm injang 14 aser pt 32 injang 42 bena lia apu.
Tena ket nung tashiyim agi sen meshiba shidi 44 den sen 60,000 bena liasü. Tenaprong den prangpong-injangtem ajak Dimapur West Police Station ket nung agütsüogo, ta Assam Rifles-isa ashi.