Dimapur nung nurse-temi süoshi shitak meshir

Dimapur, April 15 (TYO) : Dimapur nung District Hospital nung Covid19 tashidak agi shirangertem yaritsü asoshi renemdagi saka yangji inyaktsü pur nurse-temi parnok nem shirangertem dak nungi tashidak memenatsüsa sübuba süoshitem shitak magütsü tashibo Covid mozü kidang mapa meinyaktsü ta Medical Superintendent (MS) nem tezüluba nung agütsüogo.
Kasa shidi nungsa, nurse-temi parnoki inyaktsüba mapa dak alia parnoki inyaker, anungji azü tuzüka reprangba mapatem nungbo parnok masü saka iba ama mapa inyaktsü atema zünga shia metetba laboratory technician nemang inyakdakjang ta metetdaktsü.
Parnoki iba shidi agütsüba sülen, Dimapur District Hospital nung MS-i nurse-tem denji sendenka mena parnok nüngdakbatemji agütsütsü nangzükogo ta angazüker.