Dimapur nung opium seret 2, ganja seret 27 & gari auyartem apu

Dimapur, February 15 (TYO) : February 11, 2016 nü Zone-II kübok Dimapur Police-i GS Road, Dimapur nung opium bena aliba nisung ka apu.

Iba nisungji Tsatongse Sangtam ta jangjaogo aser pa ket nung opium seret 2 bena liasü. Iba dak sendakba nung NDPS Act kübok ken o ka benokogo, ta Addl. Dy Commissioner of Police/PRO, Dimapur-i sangdong ka nung metetdaktsü.

February 8, 2016 nü Women Cell-i Railway Station nung ganja abener nisung ana apu. Tenaji Bihar nunger Manu Kumar aser Shyamrati Chaudari na lir.

Tena ket nung ganja seret 27 bena aliba apu aser ganjaji taseptsü 10 nung kanga junga sepbanger sempetlep ama bena liasü.

Taila registration plates enokeba motorcycle ka apuba den ano taila smart cards amshiba ken o nung tai tonglokja police-i nisung pezü apu.

February 6, 2016 nü East Police Station Dimapur nungi police temi Bajaj Discover ka apu. Iba bike ya Borolengri nungi Khetoka Yepthomi ket nung apu aser iba dak sendakba ken o bushisüngdang asüdang Borolengri nungi Vinoto Sumi aser Notun Bosti, Dimapur nungi Botoi Awomi aser Nito Kiba nungertem apu.

East Police Station nungi police temisa Bajaj Pulsar motorcycle (Registration NL-07 M 5797) ka ngutetogo. Iba motorcycle ya September 30, 2015 nü samaba ken o benoka lir aser iba dak sendakba nung V.K Town nung alir Gifto Kiho puogo, ta Dimapur Police sangdong nungsa metetdaktsü.