Dimapur nung ozüng alema sen sarur 3 apu

Dimapur, October 6 (TYO) : October 6, 2015 nü Dimapur Police-i Purana Bazar, Dimapur nung aayanger dang nungi Non-Local Tax sarur nisung ana apu.
Tenajio Kitoi Chophy aser Khehoshe Chophy na ta jangjaogo aser tena ket nungi sen 2,000 den GPRN/NSCN indang tax coupons ngutetogo, ta Addl. Dy. Commissioner of Police/PRO, Dimapur-i sangdong ka nung metetdaktsü.
Ano, Singrijan-Selouphe tri-junction nung NSCN/GRPN (IM) tenüng nungi truck garitem dang nungi sen sarur ka apu.
Iba nisung ya Atoka Awomi ta jangjaogo aser pa ket nungi sen 2,600 ngutetogo, ta Dimapur police-isa sangdong nung shia lir.