Dimapur nung police assistance booth aser public toilet semzük

Dimapur, Metsüremi/March 12 (TYO): Deputy Commissioner of Police (DCP) Dimapur, Khrusa Keyho-i March 12, 2025 nü Dimapur nung Blue Hills Bus Station anasa Flyover Bridge tetsünglen police assistance booth ka aser public toilet ka semzükja liasü.

Nisung telok alidak nüburtem aser ozüng amshirtemi nüngdakba ajiteta iba facilities ya Dimapur Municipal Council (DMC) nung Ward 5 nungi Councillor Kuhoi Zhimo yangluja liasü.

Sentong nung jembidang Kuhoi Zhimo-i senzüsemponger aser talisa teintet rogo aser matamabensar atema metzü meshidak tesem nüngdakba indang ashi. Paisa police assistance booth tajungba nüngdaker ta ashi, aser sorkari iba amala facility agütsüdang nüburia shilem agitsüji tongtipang lir ta ashi.

“Police assistance booth yagi sepaitem anüngdang aser aonung parnok mapa tajungba nung inyaktettsü,” ta Zhimo-i ashi aser Nagaland Chief Minister Neiphiu Rio aser Deputy Chief Minister Y. Patton na dak terenlok mapa asoshi mangdang aliba tenüngsang agütsü.

DCP Khrusa Keyho-i iba police assistance booth ya ammang-sangwa metitemi lapoka nüburtem nem mashi mapang nüngdakba service agütsütsü ta ashi.

Paisa metzü meshiba tesem tasenba ya nüburtem asoshi lir ta ashi aser Nagaland Police aser Commissioner of Police, Dimapur tenüng nung Keyho-i Kuhoi Zhimo dang pelaba lemsatepa liasü.

Kasa sentong nung jembidang Dimapur Urban Council Chairmen Federation (DUCCF) President, Zasiviko Zakiesato-ia DMC councillors dak nüburtemi imlaba ya tali kumogo ta ashi aser councillors ajunga dang pei ward nung nübur asoshi mapa tajung inyaktsü ayongzük aser Zhimo-i tatishitsü tajung sayuba asoshia pelaba lemsatepa liasü.