Dimapur nung polling personel training agi

Dimapur, Tsüklai 02 (TYO): Taruba Assembly election atema Dimapur district nung polling personnel atema training mezüngbuba shilem, Tsüklai 2, 2018 nü Dimapur College nung agiogo.
Iba sentong nung jembidang Dimapur Deputy Commissioner aser District Election Officer, Sushil Kumar Patel, IAS-i, polling pesonel tem dang iba training nung tenoktenoka adentsüla, kechiyong election agiba anogo nung nenoki junga meinyakra tesüiba ita ishika tsüngda ketdangsertemi aser machinery balalai kanga meranga inyaka aruba ajak amajok akumtsü, ta metetdaktsü.
Pai-sa parnok dang, medical board-i recommend asü ka mesüra duty nung sodi memeshitsüla, ta metetdaktsü.
Polling personnel temji training shilem asem küma lemsar Master Trainers 32-i training agutsütsü.