Dimapur nung prangpong abener ka den sen taila bena alir 3 apu

Dimapur, Monupii/May 30 (TYO): Monupii/May 29, 2018 nikongdang 3:00 ako meta Dimapur police Crime Branch-i Ahoto yim nungi Zuhoi Achumi’er jabaso, Shikaho ket nung .32 mm (No. China 19007) Pistol den injang asem bena lia apu, iba dak sendakba nung maneni bushisüngdangtsü atema GRPS nung ken o ka benokogo, ta Addl. Dy. Commissioner of Police/PRO, Dimapur-i sangdong ka ajanga metetdaktsü.
Ano Monupii/May 30, 2018 anepongi 1:00 ako meta Dimapur Police Crime Branch-i India sen taila bena alir nisung asem puogo. Par asemji -(1), Basanta Bhuyan (arishi küm 48), S/o. Dhanaswar Bhuyan, Vill- Ward No-1, Narayanpur, Dist- North Lakhimpur, Assam (2) Tajen Borah (27 yrs), S/o. Raman Borah, P.O/PS- Dholpur, Vill- Dholpur, Dist- Lakhimpur, Assam aser (3) Dilip Borah (50 yrs), S/o. Profulla Borah, Vill- Borachuk, P.O/PS- Gahpur, Dist- Sonitpur, Assam, P/Add- Borachuk nunger lir, ta kasa sangdong ajanga metetdaktsü.
Parnok ket nung sen 500 taila note 108 (sen 54,000) bena liasü, aser iba dak sendakba nung Diphupar Police station nung ken o benoka maeni bushisüngdangdar.