Dimapur nung Retail customers atema loan fair tenzükogo

Dimapur, October 04 (TYO): Hokolbarnü Tourist Lodge, Dimapur nung retail customers aser Micro, Small & Medium Enterprises (MSMEs) nem credit agütsüba mezüngbuba shilem loan fair tenzükogo.
State Bank of India (SBI)-i ayongzükba camp ya Ministry of Finance, Government of India-i ketdangsüa agir, kong private sector banks 30-i fair nung shilem agidar.
Iba sentong nung jembidang assistant general manager, Regional Branch office, State Bank of India, Paogin Haokip-i, mezüngbuba shilem ya linük nung district 200 nung October 3-7 nung tenzük aser Nagaland nunga Dimapur aser Kohima na shim, ta metetdaktsü.
Paisa, iba ya retail businesses aser customer temi bank services ajak angutsü atema one-stop destination ka lir, ta shia ajak dang iba camp semdanga maongka agitsü ayongzük.
Kasa mapatong kübok financial inclusion schemes aser digital payment methods nunga rangloktsü, koba ajanga consumer temi sorkar indang Digital India nung shilem agitettsü, ta paisa shisem.
Tesülen Haokip-i beneficiaries nem loan sanction letters lema agütsü.