Dimapur nung ‘Run for Unity’ agi

Dimapur, Mongputeni/October 31 (TYO): Sardar Jayanti Day anogomong- Mongputeni/October 31, 2018 nü Commissioner of Police, Dimapur office-i departmental mini-marathon (Run for unity) ayongzüka agiogo, ta Addl. Dy. Commissioner of Police/PRO, Dimapur-i sangdong ka ajanga ametetdaktsü.
Commissioner of Police, Limasenup Jamir, IPS-i iba sentong tenzükja liasü.
Run for Unity nung NAPTC, NPTS, 1st NAP Bn, 15 NAP (IR) aser Police Commissionerate, Dimapur nungi police 99-i shilem agia asemtep.
Tebur rongnungNAPTC nungi Thongtimoba aser tetsür rongnung NPTS nungi R/C Moilen-i takok ngua liasü, ta kasa sangdong nung shia lir.