Dimapur nung school 40 & sorkar office 4 ‘tobacco free zone’ ta kuli agütsü

Dimapur, November 10 (TYO) : Dimapur nung school 40 aser sorkar office pezü ‘tobacco free zone’ ta tenüng agütsü aser iba asoshi kulikakettem agütsüogo, ta DNO, NTCP Dr. C. Tetseo-i ashi.
November 10, 2015 nü DC’s Conference Hall nung District Level Coordination Committee review meeting alidang pai iba osang metetdaktsü.
Senden nung Deputy Commissioner & DLCC Chairman, Kesonyu Yhome, IAS-i o jembidang ashiba agi, moko anema rara ya mapang talangka agitsü aser tasak asütsü saka iba ya akoktsüla.
School aser tesayurtem iba mapa asoshi asalendong tajung yanglutsüla aser tajungtiba nung inyaktsü merangtsüla, ta DC-isa ayongzük.
Tobacco free school kulikaket anguba school temi lokti nung temelenshi bener arutsü atema inyaktsüla, ta Kesonyu Yhome-isa shisem.
Christian Higher Secondary School Dimapur, St Francis Hr Sec School, Medziphema, Maple Tree School, Dimapur, Lorna School Dimapur, Little Flower School Chumukedima, St Mary Montessori Hr Sec School, Shepherd Montessori School Niuland Yes Bank Dimapur nunger ‘Tobacco Free Zone Areas’ ta tenüng agütsü aser iba nüngtem nung parnok nem kulikaket ka ka agütsü.
Tanü agiba senden nung mendenji Deputy Commissioner & DLCC Chairman Kesonyu Yhome, IAS liasü.