Dimapur nung sen akhanger ka apu

Dimapur, Metsüremi 28 (TYO): Metsüremi 26, 2018 nü Dimapur Police den AET Zone-II party senteper Dimapur nung Dhobinalla aser temeket nung surveillance inyakdang business establishment dang sen akhangba atema Traffic Point anasa nisung ka apu, ta Addl. Dy. Commissioner of Police/PRO Dimapur, Nagaland sangdong ka nung metetdaktsü.
Nisungbaji apuba mapang nung pai ajentsü meranga pistol ka agiteta officer dak akhahtsü merang, ajisüaka paji puteta liasü. Iba nisungbaji Zhekishe Po/Ps- Niuland P/add- Zhekishe village nung alir Atol kiba’er jabaso arishi küm 19, Pukhato Kiba @ Nikato kiba lir ta jangjaogo, ta kasa sangdong ajanga metetdaktsü.
Pa ket nungi .22 pistol den Mag ka, .22 injang ka aser sen 3915/- apu. Pa anema ken o ka benokogo aser maneni bushisüngdangdar, ta kasa osang ajanga metetdaktsü.